الـسـلآم عليكم ورحمة الله وبركآتـه
هذي مقارنه بسيطه بين سواقة الشباب والبنات .. تعالوا نشوف النتجيه :
مشاوير:
الشاب الى: الدوام + البيت + البقاله + استراحة الشباب + مقاهي .
مشاوير البنات: الصالون + الشغل + السوق + عزاء + عرس + البحر .
- الاغراض المتواجده دائما في السياره
في سيارة الشباب : غتره على كرسي + عقال + مناديل معفنه+ ولاعه ..
سياره البنات :نقاب + مناديل كلها روج + لبان+كعب مكسور+ مجلة سيدتي.
- في جيب الكرسي :
سيارة الشباب: اشرطة + زقاير + ولاعه + ورقة مخالفه + مسواك + ورقة بلوت .
سيارة البنات : روج+ كحل + حلاوه نعناع + مثبت شعر+ شباصات.
شنطة السياره:
الشباب
اوراق وكتب ومخالفات + قوطي ديو+ شيشة ومعسل + ثياب من اخر مره طلع.
سيارة البنات: فازلين + كحال+ حبل غسيل + روج
السوالف في السياره:
الشباب : سرت على البحر ؟ كم وحده رقمت؟ شو اتعشيت؟
البنات : يووو ماشفتي فلااانه ترى طاحت ياحسسسسسره ؟ شفت فلانه لابسه ساعه ماركه يوو تقولين كانه زوجها يغرف فلوس من البحر؟
- اذا يصب بترول:
الشاب : عب فل ياصديق!! وآخر شهر : عب بـ 10 ياصديق .. ويا ويله الهندي لو عب بنزين خصوصي لوول
البنت : عب ب40 من ادنوك !!
- عند التقاطع :
الشباب :ما يطالع يمين ويسار الا نادرا .
البنات:تطالع يمين ويسار 20 مره .
- اثناء السواقه :
الشباب : مّبعد الكرسي لين اخره كنه منسدح وهو يسوق .
البنات : ملزقة الكرسي لين اخره كنها سواق لموزين
عند اشارة المرور:
الشباب :
يتحكك كانه توه قايم من النوم.
البنات : تعدل شعرها.
- وضع الجسم اثناء السياقة:
الشباب : متساند ويسوق بيد ويدعس برجل والثانيه رافعها الى مستوى المكيف و شوي ويطلعها من الدريشه.
البنات : حاضنه السكان بشكل كنه طوق نجات
اثناء السواقه ويا بيسلم على واحد :
الشباب : يدق هرن خفيف او ينفل او اشاره.
البنات : تعلق على الهرن , وتقول: منال حبيبتي وش اخبارك
- اثناء كتابه المخالفه
الشباب : قسم بالله ماطفت الاشاره والله ورب الكعبه وربي , على الحرام اني ماطفتها انشاءالله اموت الحين كاني طفتها . هههه
البنات : بلييز الله يخليك لأهلك لا تعطيني مخالفه بليز بليز,, وهي تناقز . هههههههههههه
- اثناء الحادث :
الشباب : وش في امك انت ماتشوف زين ؟
البنات : سوري بس شكلك ياحرام ماشفتني وانا معطيتك اشاره
- اثناء السواقه و أحد السيارات حدك :
الشباب : اسفط على جنب يابن ال؟؟؟ انا اعلمك وش لون تسوق يا ولد ال ؟؟؟؟,
البنات : ياحقييييييييييير يا حقييييير ماتشوف زين , روح با عساك تنشب في عمود انشالله.
- اثناء التفتيش:
العسكري للشباب : الرخصه والاستماره ووقف على جنب وبطل المخفي ..
العسكري للبنات : فديتها انا فديت امج ,روحي دربك خضر هههه
- اثناء السواقه و واحد من اليهال يصيح :
الشباب بس جب لا اوقف واضربك بالعقال يالله
البنات : يالله, بابا خلاص لاتصيح عشان اشتري لك حلاوه
منقول (( لاجل عيونكم ))
السبت يناير 01, 2011 3:52 am
